sejarah karinding banten

Karinding nyaeta alat musik tradisional buhun anu dijieuna tina palapah kawung atawa awi. karinding ayana kira-kira 300 taun baheula, di Banten mimiti punahna nurutkeun kolot ayeuna nyaeta taun 1953,lantaran eleh ku radio ceunahmah, zaman baheula karinding biasana sok dipake ulin kanu awewe atawa dipake nganjang.
Biasana karinding dipaenkeun jeung pantun atawa celempung,toleat ditambah kuhaleuang buhun.
Dina nyieuna karinding nurutkeun kolot baheula ceunahmah teu sakadaek atawa sambarangan bahan anu sok dijieun karinding nyaeta palapah kawung anu jenisna nyaeta kawung apu atawa kawung bodas atawa deui lamun tina awi, awina nyaeta awi bitung, awi hideung, awi haur anu geus bener-bener kolot.
Ngala bahan pikeun dijieun karinding kudu pas usum hujan cilantrang, hujan cilantrang eta hartina hujan anu kadenge guruhna tapi cai hujanamah teu turun, tah dina waktu eta cocok pisan pikeun ngala bahan pikarindingeun, pitoleateun jeung picelempungeun.